Sus, horror.

Posted: May 21, 2019 in Kuwentong Mateo
Tags: ,

Paborito ko rin naman ang mga Horror movies. Pero sa lahat ng kategorya, iyon ang nahuhuli sa listahan. E bakit hindi? Horror ang pinaka-obvious sa lahat; predictable ang story lines; kailangan kasama lagi ang plot holes; kumbaga, ang ironic kasi tinawag na Horror pero walang thrill (para sa’ken).

Minsan din akong nilamon ng takot dahil sa panunood ng mga palabas na ‘yan tuwing gabi (na dapat hindi pinapanuod kapag matutulog na, lalo na ng mga bata). Subalit mapa-multo, serial killer, zombie, halimaw, ang laman ng Horror, halos pare-pareho lang din ang takbo ng istorya. Kung ilalagay nga ako bilang karakter sa isang Horror Movie, sigurado ako sa sarili kong makaliligtas ako hanggang sa credits scene. Weh? Paano? Teka.

Ito ang ilang gabay at paraan para maka-survive sa isang Horror Movie:

  • Ang pinaka-importante, syempre sa lahat, kailangan hindi ka tanga. Dapat may common sense ka.
  • Bago magsimula ang movie, mang-away ka ng tropa, o kapamailya, o kapit-bahay. Isa ‘yun way para tumagal ka, para magkaroon ng unfinished business at hindi ka maging candidate agad sa mga mamamatay sa movie.
  • Kapag na-stranded ka sa isang lugar na hindi mo alam at malayo sa kabihasnan, huwag pumunta sa bahay na walang kapit-bahay. It’s a trap.
  • Kapag nanaginip ka ng masama, tandaan mabuti ang mga nangyari sa bangungot pagkagising, kasi mangyayari ‘yun. At least makapag-isip man lang paano ka makakaligtas.
  • Huwag ka magbabanyo mag-isa. Pasama ka lagi hanggang sa loob. Kahit magsabay na kayo mag-shower ng tropa mo basta wag ka mag-iisa. Maraming trippings at manyak na multo at killer; kung kelan tinatawag ka ng kalikasan dun pa sila sumusulpot.
  • Kung sakaling na-flat ang gulong mo habang tumatakas papalayo sa gustong pumatay sayo, huwag ka hihinto. Una, dahil wala naman manghuhuli sa’yo at kukuha ng lisensya mo. Pangalawa, tatakbo pa rin yan kahit flat ang gulong. Pangatlo, wala ka naman choice.
  • Kapag marami kayo, much better. Huwag na kayo maghiwa-hiwalay. Wala kayo sa Scooby-Doo para maghanap ng clues.
  • Kung grupo kayo, dumikit sa good boy/girl, o good looking. Lumayo sa mga adik, nerd, taklesa —  o kung foreign movie ito –- lumayo sa Asian. Hindi ko alam kung bakit sila ang inuuna. Kung lahat kayo Asians, lumayo sa nognog at singkit.
  • Kung grupo kayo, panatilihin mong “virgin” ka. Di ko alam pero lahat ng mga karakter na may bed scene, automatic – patay.
  • Malaki ang chance na unang mamamatay ang mga babaeng kita ang cleavage. Layo-layo. Lason ‘yan.
  • Huwag kang sadista at mapanakit, lalo na sa mga kasama mo. Kapag bayolente ka, mas brutal ‘yung death scene mo sa movie.
  • Pag may nakita kayong sign na Keep Out, No Trespassing, o Beware, huwag niyo na pasukin. It’s a trap. Bache na agad! At kahit wala ka sa Horror movie, hindi naman talaga dapat pinapasok ang mga ganun sa totoong buhay.
  • Huwag kang hawak nang hawak ng mga sinumpang bagay. Huwag ka mamaru at tapang-tapangan. Sa mga ganitong pagkakataon, curiosity kills you. Lalo na rito sa Pinas? Kung sakaling dito mapunta ang cursed tape ng The Ring, siguradong hindi mawawala ang ganitong dialogue: “Weh? Di nga? Pag ako hindi namatay diyan after seven days, bibigyan mo ‘ko isanglibo, ha.”
  • Huwag ka sisilip sa ilalim ng kama. Matik na yun: kung wala ka man makitang multo, aatakihin ka naman sa puso kasi nandun yung videographer.
  • Kapag babarilin ang killer, dapat sa ulo lamang. Siguraduhin na labas ang utak. Walang silbi ang kahit anong sandata sa katawan nila; neutralized lang sila panandalian kahit tanggalan mo ng mga paa at kamay, pero babangon at babangon hanggat hindi sumasabog ang utak o dismembered ng sobra. If may time, sunugin mo pa.
  • Kahit sabog na ang utak ng killer, i-double tap mo pa rin siya para sure. O kaya biruin mong may ipis sa balikat niya para alam mo kung nagpapatay-patayan o hindi. Hindi ko alam kung anong binabatak ng mga animal na ‘yan at hindi mamatay-matay.
  • Huwag nang balakin tumawag sa cellphone at mag-dial ng 911. Pustahan lobat yan. Kung susuwertihin, may sasagot na dispatcher at tatawag ng pulis. Although, wala naman talaga magagawa ang mga rumerespondeng pulis sa pelikula, dagdag-oras din ‘yon para makatakas habang pinapatay sila ng killer.
  • Kapag na-corner ka ng killer, huwag ka masiado mag-alala. Usually bago ka nila tagain o barilin, may dialogue pa silang kailangan sabihin. Daldalin mo lang, kunware galit ka. Maya-maya may masusulyapan ka nang palakol, baril, o pako sa tabi mo, na abot-kamay bilang panlaban. Bilisan mo lang kasi 20 seconds lang ang mga ganung scene.
  • Asahan ang brown-out. Lahat ng serial killer at multo, electrician. Alam nila lage kung nasaan ang switch ng bahay niyo, at lever ng main source. Sa mga ganitong senaryo, talasan na lamang ang mga mata at pakiramdam. Huwag magtago sa closets at mga kabinet. Alam na nilang nandun ka bago ka pa magtago.
  • Kapag tumatakbo ka, huwag ka lilingon; magugulat ka na lang kasi kahit anong bilis mo nasa likod mo pa rin ‘yung animal na yan.
  • Kung girl ka, get a boyfriend. Advantage yun kasi siya ang unang papatayin.
  • Kapag may narinig kang langitngit ng pinto, o sigaw ng parang kinakain na pusa, kumuha na agad ng sandata at dahan-dahan magtago.
  • Kapag may nagsalita ng Latin, barilin mo agad sa noo. Kung hindi man siya possessed, barilin mo pa rin. Hinahabol na kayo ng mga demonyo, nag-jojoke pa ang tanga?
  • Bago sumakay ng kotse, paulanan muna ng bala ang backseat nang madala ang animal.
  • Kapag may appliances na kusang bumubukas at gumagalaw, o inanimate objects katulad ng mga manika na iba ang dating, sunugin mo na agad ang bahay. Unahan mo na.
  • Pag nakagat ang tropa mo ng zombie, save him na from agony. You know what I mean.
  • Kapag may dumila sa kamay mo sa kalagitnaan ng dilim, hindi mo aso ‘yun. Patay na ang aso mo.
  • Kapag nasa intense part na kayo ng movie at may hawak kang pamalo, kapag may nakita kang gumalaw, paluin mo na agad. Pwedeng kaibigan mo lang ‘yon o kapatid, oo, pero mas mabuti nang safe tayo. Just say sorry later.
  • Kung zombies ang kalaban, magpunta agad sa isla. Di marunong lumangoy ang mga imbecile na yan.
  • At syempre, makinig sa mga sigaw at mando ng mga nanunuod sa movie mo. Omniscient sila at omnipresent. Alam nila ang lahat.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s