Ash Wednesday

Posted: March 18, 2019 in Kung anu-ano lang . . ., Kuwentong Mateo
Tags: , , ,

SAN KA N?

Smbahan pa rn: Reply ni Jason sa nobya.

Katoliko si Jason, at katulad ng karamihan sa nasabing relihiyon, hindi naman talaga siya palasimba. Ngayon lang, kasi may importanteng okasyon. Nakikiuso.

Ash Wednesday kasi. Unang araw ng Kuwaresma. Isa sa mga araw ng paghahandog ng penitensya. Ito ang araw ng paglalagay ng abo (na galing sa sinunog na palaspas), sa noo ng mga Katoliko, ayon sa mga salitang “Magsisi, at maniwala sa ebanghelyo”, o salawikain na “Tandaan mo na nagmula ka sa alikabok, at sa alikabok ka rin babalik.”

Homily. Nakatambay lamang si Jason sa labas ng simbahan. Malakas naman kasi ang mga speakers. Pero hindi na importante iyon. Kahit gaano pa iyon kalakas, hindi naman niya iyon maririnig, dahil hindi niya naman pinakikinggan. Mas naririnig pa niya ang tunog ng kumakalam niyang sikmura. Hindi na niya ito natiis, at dahan-dahang binunot ang nakatagong kringles sa kanyang bulsa. Paborito niya ang pinoy kringles. Hindi ito katulad ng kringles sa ibang bansa na mukang pretzels na gawa sa ordinaryong tinapay. Ang pinoy kringles ay black and white. Hindi malaman kung saan gawa ang puting pulbo na bumabalot sa itim na tinapay; ang sigurado lamang, sapat na itong pampawi ng kumakalam na tiyan.

Message:   Mlapit na k.

Reply:     Malapt kna? 😀 (panunukso ni Jason sa nobya)

Message:   Cra ulo. San tayo after mo magsimba?

Reply:     Sa dti nalang mura don e

Message:   OK. Ready ka na ba? Nagpalkas ka na b? 😀

Reply:     Oo. Kumakain na ko ng kringles. 🙂

Message:   Kringles? Lalakas k b dian?

Reply:     We’ll see. 😀

Natapos ang Homily. Umikot na ang pari upang magbasbas ng holy water. At ilang sandali pa, pinapila na ang mga gustong magpalagay ng abo at krus sa kanilang mga noo.

Habang nasa pila si Jason, hindi niya maiwasang maisip ang mga nagdaang pakikipaglaro ng apoy sa nobya. Hindi man angkop sa lugar upang isipin ang maiinit na sandaling pinagsamahan, hindi niya ito mapigilan, lalo pa’t alam niyang ilang oras na lamang ay muli niyang matitikman ang malambot na labi ng kasintahan, at mapipisil ang matatayog nitong dibdib, habang nasisiyahan sa pagsupa ng mga nakatayong tetilya. Walang duda: walang pari, o krus, o banal na tubig na makapapawi sa tawag ng laman. At walang sermon na mas importante sa tunog ng langitngit ng papag.

At dumating na ang pagkakataon ni Jason.

“Tandaan mo na nagmula ka sa alikabok, at sa alikabok ka rin babalik,” aniya ng pari. Maigi nitong idinutdot ang daliri sa naghihintay na abo, ngunit sa pagtaas ni Father ng kamay ay hindi sinasadyang sumabit ang daliri nito sa tabi ng labi ni Jason.

Awkward, pero maliit na bagay. Awkward din kapag pinunasan sa harap ni Father. Baka magtawanan. Hindi na muna ito pinansin ni Jason, at taas-noo niyang tinanggap ang krus na iginuhit gamit ang abo.

Kahit hindi pa man tapos ang misa, lumabas na sa simbahan si Jason katulad ng nakaugalian. Tapos na ang pakay, kaya tapos na rin ang misa. Tumunog ang cellphone at tuluyan na ngang nakalimutan ni Jason ang abong naligaw sa gilid ng labi. Dali-dali niyang sinagot ang tawag sa sobrang eksaytment. “San ka na?”

“Tingin ka sa kaliwa.”

At sa paglingon nga’y nakita ni Jason ang nobya, papalapit sa kanya, taglay ang mapanuksong mga titig, na sinamahan pa ng tumitikwas na buhok at umiindayog na beywang. Lalong nag-init ang sandali para kay Jason.

“Kanina ka pa?” nakangiting tanong ni Jason. Hindi maitatanggi sa boses ang eksaytment.

Marahan, dumapo ang hintuturo ng nobya sa tabi ng labi ni Jason, kung saan naghihintay sa kalungkutan ang naligaw na abo. Sumama ang abo sa hintuturo, at dumiretso sa bunganga ng babae. Sinimot ito ng nobya gamit ang dila, at mapang-akit na sinabing “May kringles ka pa sa labi.”

Nabaliw si Jason.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s