Isang malaking bagay sa akin ang panunuod ng pelikula, lalo na iyong mga isinabuhay galing sa libro. Subalit mas malaking bagay sa akin kung mas nauna kong basahin ang bersyon ng libro kaysa sa palabas. Pakiramdam ko kasi, inagaw sa ‘kin ang misteryo kung uunahin ko ang palabas. Sa palabas, nakadikta na ang lahat sa manunuod. Sa libro, ikaw ang gagawa ng sarili mong mundo.
Ganoon kahiwaga ang pagbabasa — iisang kuwento, iba’t ibang imahinasyon.
